МУЗЕЙ "ВЫТОКІ"
Рашэннем калегіі Міністэрства культуры Рэспублікі Беларусь ад 10.12.2012 года школьнаму комплексна-краязнаўчаму музею “Вытокі” прысвоена званне народнага. У маі 2018 года ганаровае званне паспяхова пацверджана.
Музей прымае экскурсантаў:
Панядзелак 900 – 1200
Аўторак 900 – 1200
Серада 900 – 1200
Чацвер 900 – 1200
Пятніца 1300 – 1600
Заказы на правядзенне экскурсій праводзяцца па тэлефону: 686921
Мэтай музея з’яўляецца выхаванне ў вучняў нацыянальнай самасвядомасці, далучэнне іх да нацыянальнай і агульначалавечай спадчыны, павышэнне эфектыўнасці адукацыйна-выхаваўчага працэсу.
Задачы:
- зацікавіць вучняў гісторыяй роднага краю;
- выхаваць беражлівыя адносіны да свайго мінулага;
- назапасіць гістарычныя, краязнаўчыя, этнаграфічныя веды;
- развіваць творчае мысленне вучняў.
На май 2018 года музейны фонд налічвае 1309 прадметаў, у тым ліку 1059 – асноўнага фонду.
Найбольш каштоўныя эксапанты:
Бівень маманта Сякера крамянёвая
Прас (жалязка) з трубой Хлопчык - прыстасаванне для здымання абутку
Крыж-абярэг, які стаяў каля вёскі Абклад ручной работы
Страхоўка - прыстасаванне для апрацоўкі саламянага даху (страхі)
Калыска дзіцячая з лазы
Лапці з "вокам" Абіякі - абутак на драўлянай падэшве са скураным верхам
Экспазіцыя музея мае пяць раздзелаў:
- З гісторыі краю
У ім можна пазнаёміцца з мінулым і сучасным вёскі Лойкі, фальклорам і тапанімікай рэгіёну.
- Шлях хлеба на стол у нашых продкаў
Як вядома, хлеб – аснова жыцця. Аб гэтым разказваюць нашы экскурсаводы падчас экскурсій, выкарыстоўваючы экспанаты гаспадарчага карыстання беларуса-земляроба.
- Хата – Сусвет селяніна-беларуса
Паказаны побыт беларуса-селяніна ў канцы ХІХ - сярэдзіне ХХ стст. Тут можна пазнаёміцца з інтэр’ерам сялянскай хаты, патрымаць у руках кнігу, лыжку, паклыхаць калыску, дэтальна раглядзець прыгожыя ручнікі і дываны мясцовых майстрых.
- Традыцыйна-народная культура рэгіёну
Ганчарства прадстаўлена калекцыяй разнастайнага па форме і прызначэнні посуду. Пляценнне ўтрымлівае рэчы, зробленыя з лазы і лыка (кашы, лапці). Ткацтва і вышыўка ўтрымлівае саматканыя рэчы: посцілкі (ходнікі), абрусы, сурвэткі, вышываныя карціны. Вырабы з металу прадстаўлены замкамі, нажніцамі для стрыжкі авечак, ключамі, сякерамі. Таксама ў раздзеле прадстаўлены драўляныя прылады працы і вырабы шаўца абудку: капылы, абіякі дарослыя і дзіцячыя.
- Сядзібна-паркавыя комплексы рэгіёну
У гэтым раздзеле Вы даведаецеся шмат цікавай і карыснай інфармацыі аб панскіх сядзібах пана Тукалы ў в. Белыя Балоты, Свцяцку Валовічаў, Свяцку Гурскіх.
САРДЭЧНА ЗАПРАШАЕМ!
