Творчая сустрэча
27 лютага 2019 года ў нашай школе адбылася творчая сустрэча з паэтэсамі Гродзеншчыны.
Да нас завіталі Ганна Іосіфаўна Скаржынская-Савіцкая, дзяцячая пісьменніца, і Людміла Антонаўна Кебіч, Старшыня Гродзенскага аддзела “Саюза пісьменнікаў Беларусі”. Пісьменніцы наведваюць нашу школу ўжо не першы раз. Вучні чыталі, інсцэніравалі творы паэтэс.
Ганна Іосіфаўна і Людміла Антонаўна падзяліліся сваімі новымі творчымі здабыткамі і падаравалі ў кабінет роднай мовы свае кнігі. Усе жадаючыя атрымалі кнігі пісьменніц з аўтографам.
Напрыканцы сустрэчы госці наведалі школьны краязнаўчы музей “Вытокі” і пакінулі падзяку ў Кнізе ганаровых гасцей.
Такія сустрэчы спрыяюць выхаванню ў дзяцей павагі да роднага слова, да гісторыі малой радзімы, абуджаюць пачуццё гонару за сваю мову!
