Новости проекта
Отвечаем на ваши вопросы!
Важные моменты в Инструктивно-методическом письме
Новинка! Отчеты по ведению электронного журнала
Конкурс продолжается!
Голосование
Оцените наш сайт и дизайн
Всего 77 человек

Выхаванне на нацыянальным вопыце

Дата: 21 ноября 2016 в 00:01, Обновлено 5 сентября в 00:04

Выхаванне на нацыянальным вопыце

   Краязнаўства з’яўляецца вядучым напрамкам дзейнасці нашай установы адукацыі. Уся работа школы напраўлена на фарміраванне асобы неабыякавай, маральна ўстойлівай, духоўна развітай, адказнай. А нашы сённяшнія вучні стануць такімі  толькі ў тым выпадку, калі будуць ведаць гісторыю родных мясцін,  традыцыі свайго краю. А будуць ведаць — значыць будуць цаніць і берагчы, мець нацыянальны гонар, пачуццё патрыятызму, без якога няма асобы.       

   Прыярытэтным накірункам дзейнасці кожнага класнага кіраўніка, кожнага педагога ў нашай школе з’яўляецца выхаванне на багатым нацыянальным вопыце. Менавіта гэта з’ўляецца важнейшым пры стварэнні тэматычных куточкаў.

   Творчасці дзіцячай паэтэсы Ганны Скаржынскай – Савіцкай, сапраўднага сябра нашай школы, прысвечаны куточак “Кветка малой радзімы” у кабінеце 1 класа.

    “Бабуліны вышкі” – тэматычны куточак у кабінеце 2 класса, сустракае гасцей водарам гаючых траў і кветак. Здаецца, што менавіта нашай старонцы прысвечаны словы Ніла Гілевіча:

У нас – ці ў лесе ты, ці ў полі –

Садзіся смела, дзе стаіш:

Не бойся – сцёгны не паколеш,

Як на падушцы, пасядзіш.

У нас зямля – якую краску,

Якую былку не сарві –

Кладзі да сэрца як лякарства,

І здаравей, брат, і жыві!

   Настаўніцай Ядвігай Іванаўнай Якубоўскай і яе класам сабраны багаты матэрыял аб зёлках нашага краю, іх мясцовых назвах. У кастрычніку 2015 г. праект “Бабуліны вышкі”, які быў падрыхтаваны Жук Ангелінай і прадстаўлены на раённы этап абласнога конкурсу даследчых работ і праектаў вучняў пачатковых класаў, удастоены дыплома 2-ой ступені.

   Турыстычныя паходы натхнілі  Чаславу Іванаўну Ганчыц і яе вучняў на стварэнне тэматычнага куточка “Вёсачка мая”. Тут сабраны матэрыял аб навакольных вёсках – паданні аб паходжанні, сучасным абліччы, славутых людзях.

   У кабінеце 4 класа вучні, сумесна з класным кіраўніком Таццянай Аляксееўнай Змітровіч, стварылі куточак “Нашы святы”.

   У кабінеце беларускай мовы створаны куток “Нацыянальнае адзенне нашай мясцовасці”. Нацыянальны касцюм — тая частка духоўнай і матэрыяльнай культуры, дзе найбольш ярка праяўляюцца этнічныя асаблівасці.  У многіх жыхароў нашай мясцовасці яшчэ захавалася адзенне, якое насілі нашы дзяды і прадзеды. Напрыклад,  андарак і кашулю знайшла  у сваім куфры  жыхарка вёскі Зарачанка.

   Кабінет геаграфіі прываблівае “Мінералагічным кутком”, у якім сабрана калекцыя  з 28 мінералаў.

   Трэба сказаць, што тэматычныя куточкі, мэтай якіх з’яўляецца вывучэнне спадчыны нашага народа, далучэнне  школьнікаў да нацыянальнай культуры і традыцый, ствараюцца ў кожным прадметным кабінеце нашай школы.

   Тое, як арганізавана работа ўсіх удзельнікаў адукацыйнага працэсу, настаўнікаў, вучняў, іх бацькоў, прадстаўнікоў улады, арганізацый і прадпрыемстваў, меснага насельніцтва па захаванню і адраджэнню нацыянальных традыцый дае надзею, што жыццё будзе доўжыцца, бо толькі той можа ствараць будучыню,  хто  памятае мінулае, хто ведае свае карані.                        

Комментарии:
Оставлять комментарии могут только авторизованные посетители.