Экскурсія
Члены аб’яднання па інтарэсах “Юныя экскурсаводы”, вучні 8 класа, пабывалі ля форта №2 Гродзенскай крэпасці – помніка ахвярам фашызму.
Падчас экскурсіі навучэнцы даведаліся пра трагічныя падзеі, якія адбываліся на гэтым месцы ў гады Вялікай Айчыннай вайны. Тут у 1941-1943 гадах было расстраляна больш за 3000 ваеннапалонных і мірных жыхароў Гродна, у тым ліку і яўрэяў, а таксама заложнікаў польскай інтэлігенцыі. Тут загінуў вядомы гродзенскі краявед і настаўнік Гродзенскай гімназіі, заснавальнік Гродзенскага заапарка Ян Каханоўскі. На месцы трагедыі ў 1960 годзе ўстаноўлены помнік Маці, якая смуткуе, а ў 1990 годзе – мемарыяльная пліта з імёнамі 50 палякаў з польскага горада Ліпска.
Ля помніка вучні ўшанавалі памяць людзей, якія загінулі, хвілінай маўчання.
Такія экскурсіі спрыяюць выхаванню ў падрастаючага пакалення пачуцця патрыятызму і гонару за сваю малую Радзіму.
