Міжнародны дзень роднай мовы
У рамках святкавання Міжнароднага дня роднай мовы ў школе прайшло шэраг мерапрыемстваў. Усе яны былі накіраваны на папулярызацыю беларускай мовы, выхаванне ў падлеткаў павагі і любові да роднага слова, цікавасці да твораў беларускіх пісьменнікаў.
У фае навучальнай установы аформлены інфармацыйны стэнд.
У школьнай бібліятэцы арганізавана выстава твораў класікаў, падрыхтаваны стэнд з выказваннямі вядомых беларусаў аб роднай мове.
21 лютага ў школе праходзіла акцыя “Размаўляй са мной па-беларуску”. Родная мова гучала ўсюды: у настаўніцкай, у школьнай сталоўцы, у майстэрні, у бібліятэцы. Ва ўсіх класах прайшла інфармацыйная гадзіна “21 лютага – Міжнародны дзень роднай мовы”. Вучням 1-2 класа была прапанавана дэманстрацыя мультыплікацыйнага фільма (на беларускай мове) “Беларускія прымаўкі і прыказкі”, вучняў 3-4 класаў чакала прэзетацыя кнігі “Мішка-прывід”, 5-6 класаў – “Кветка малой Радзімы” – падарункі Ганны Скаржынскай-Савіцкай, вучняў 9-11 класаў - кніга Людмілы Кебіч “Дамінанты лёсу”, пісьменніц, якія жывуць і працуюць у Гродна і ў 2016 годзе наведвалі нашу школу.
Вучні 6-7 класаў удзельнічалі ў КВіЗ “Мова цікавая і займальная”.
Спадзяемся, што мерапрыемствы, якія прысвяцілі беларускай мове, нікога не пакінулі абыякавымі, і, мы, настаўнікі ДУА “Лойкаўская сярэдняя школа”, разам з нашымі вучнямі змаглі данесці да ўсіх тое, што павінна жыць у сэрцы кожнага беларуса, - гордасць за сваю мову!
